Manchester derby a an chak loh hnuin Jose Mourinho chuan Marcus Rashford-a'n a lehpek a bul a tan tawh tur thu a sawi.

Rashford hian hull city an hmachhawn tumin hun tawp dawnah chakna goal a thun a, hemi hnu hian England U21 tan hattrick a siam leh bawk a, a che tha hle a ni. Heti chung hian Mourinho chuan Manchester derby-ah inkhel bul tan turin a ring ngam lova, bench-ah a thut tir a. United an chak dawn lova a lan hnuah Mourinho hian a game thlakin hmalam thuam chak nan Rashford hi a rawn luh tir a, a khel tha hle a goal erawh a thun lova an chak lo zui.

"Big match kan neih leh hmasak ber chu Feyenoord nen a ni dawn a, he inkhelah hian bul a tan tawh ang. Ka ring tawk a, hmalam hun eng tak a nei bawk a ni" tiin Mourinho hian a sawi a.

"Mi hian a football talent an en a, mahse a pawimawh ber zawk chu tun dinhmun a a mizia hi a ni. Chu a mizia chu season hmasa khan min hmuhtir a ni. Kha a zia kha Manchester derby second half-ah khan min hmuh tir leh bawk a. Miki leh Jesse-te atang erawh ka beisei ang ka hmu lo thung" tiin Mourinho chuan a sawi bawk a ni.

"Feyenoord kan hmachhawn hunah hian ka player ngai bawkin an start ang em tih min zawt a nih chuan. Ai tiin ka chhang ang. Hei hi an khelh chhiat avanga hremna a ni lova. Ka team te an khelh dan atanga ka tehna a ni. Chuvang chuanin, ni e, midang ka khelh tir ang" tiin a sawi bawk a. Sawi chhunzawmin, "a chang chuan player te hi an lawm lo thin, tu thiamloh nge ni ta ang? Keima thiam loh a ni ang a chhan chu kei hi manager ka ni a, tu nge khel anga tu nge khel lo ang tih chu ka thu a ni" tiin a sawi bawk.

(adsbygoogle = window.adsbygoogle || []).push({});