Barcelona chuan Marcus Rashford an lak luh thu an puang a, 2025-26 season chhung Catalan Club-ah hian loan-in a khel ang.

Kum 27 mi hi Barcelona chuan an duh chuan an lei thei dawn a, loan inremnaah hian inlei theihna ziah tel a ni.

A hlawh hi Barcelona chuan an tum vek dawn a, hetih lai hian loan fee erawh a tel lo thung. Tun Pathianni khan Manchester United leh Barcelona te chuan inremna an nei a, United chuan Rashford hi Barcelona pan an phalsak chhunzawm bawk.

Barcelona hian hmatawng thawmthat an mamawh hle a, a bik takin veilam sira chetla tur an zawng. Nico Williams kha dawr viau mah se, La Liga Salary limit avangin La Liga-ah an ziak lut thei dawn nge dawn lo a chiang lo a, kha vang khan Williams khan Athletic Club a chhuahsan leh ta lo.

Season liamta chawhnu lam kha Aston Villa-ah Rashford hian hun a hmang a, game 17 inlanin, goal 4 a khung. Mahse a inhliam avangin season tawp lam a inlan thei lo.

Rashford hian Manchester United-ah kar khat chhungin £325,000 vel a hlawh a, Barcelona a pan theih nan hian a hlawh tihhniam a remti a, Barcelona chuan kar khat chhungin  £225,000 vel an hlawhtir dawn nia report a ni a, Barcelona-ah hian jersey number 14 a ha dawn bawk a ni.