Arsenal chuan forward thar an zawn meknaah, Leeds United winger Raphinha chu dawr tan mah se, an dawrna hmasa chu Leeds hian an lo hnar sak tih Sky Sports chuan a tarlang.

Brazilian forward Raphinha hian Leeds-ah season hnih dang contract a la nei a, chhuah a duh avangin Elland Road-ah hian contract thar ziah a tum tawh lo nia sawi a ni.

Raphinha manah Leeds hian pound maktaduai 50 vel lai an duh nia tarlan a ni a, hei hi Arsenal dawrna zat hian a pha lo hle nia sawi a ni bawk.

Raphinha hi Barcelona pawhin lakluh an tum viau a, mahse a man chungchangah Barcelona leh Leeds te hi an inrem theih loh avangin Barcelona hi an inhnukdawk tawh niin chanchinbu thenkhat chuan an tarlang.

Kum 2020 October thla khan Leeds hian Rennes atangin Raphinha hi an lei a, kum li daih contract an ziahpui. Leeds-a a season hmasa berah kum 25 mi hian Premier League game 29 atangin goal 6 a khung bakah, assist vawi 8 a nei a, season liamta khan Premier League game 35 atangin goal 11 a khung a, assist vawi 3 a nei bawk a ni.

Inkhel Youtube News, Pic-ah hian click rawh le