Los Angeles khaw chhunga professional sports team 12 te chuan Los Angeles ram kang turte tan $8 million an thawhkhawm.

Apparel company Fanatics pawhin $3 million lai an thawh bawk a, heng tling khawm hi $11 million lai niin, ram kang tuarte an tanpui.

January ni 7-a ram kang khan ram 40,000 acres dawn a tuam a, mipui nuai khat chuang chu hmun him lama sawn chhuah niin, in 12,200 aia tam a kang chhia a, mi 10 aia tam an thi bawk.

Los Angeles chhunga professional sports team hrang hrang Angel City FC, the Los Angeles Angels, the Los Angeles Chargers, the LA Clippers, the Los Angeles Dodgers, the Anaheim Ducks, the LA Galaxy, Los Angeles FC, the Los Angeles Kings, the Los Angeles Lakers, the Los Angeles Rams leh the Los Angeles Sparks te chuan sum hi an thawhkhawm a ni.

Heng an pawisa thawhkhawm hi  the American Red Cross, the Los Angeles Fire Department Foundation, World Central Kitchen leh wildfire relief and animal rescue funds hrang hrangah an chhung lut hlawm.

He ram kang avang hian coach leh player thenkhat chuan an in leh lo an chan ve bawk. Golden State Warriors coach Steve Kerr, Lakers coach JJ Redick leh soccer players Carlos Vela & Ali Riley te chuan an in leh lo an chan a ni.