Leydi Urbina-i'n thla 6 mi nau a pai tih a inhriatchhuah meuh kha chuan Venezualan women's top  flight top scorer a lo ni hman tawh a, team of the season-ah a hming telin, season league semi-final second leg pawh a lo thleng tawh. A hun awl hnawhkhawh nana futsal inelnaa a tel naah pawh final a lo thleng hman a ni.

A rai tih rin ngaihna a vang hle a, pangngai taka a period bakah a kawppui nen invenna an hmang reng bawk. A taksaah eng harsatna mah a nei lo bawk a, Deportivo La Guaira tan game hrang hrang a khelhah rai chungin goal 14 a khung. 

A rih belh tih chauh lo chu inrinhlehna tur dang a nei lo. Chuvang tak chuan test pawh a nei nghe nghe.

"Invenna kan hmang chunga ka rai hi mak ka ti, mi tam tak an rai loh phah si a. ka hriatchhuah kha chuan min thawng lutuk. Mahse harsatna awm lo a ka thil duh ka ti hlawhtling thei kha ka lawm a ni. 

"Naute hi malsawmna an ni a, kan nunah an lo tel ve a nih chuan an tan theihtawp kan chhuah zawk tur a ni. A tirah khan engmah ka chungah a thleng si lo a

"Ka taksa pawh tha tak a ni. Ka tlan kual a, ball kha ka um kual ve reng, tunah chuan ka duh pawh ka nei thei tawh a, malsawmna thuah hnih ka dawng, "tiin kum 25 mi chuan a sawi.