Rabiot chungchangah United leh Juventus an inrem

08th August 2022, 08:08PM

Manchester United chuan, Italian club Juventus chu Adrien Rabiot-a chungchangah inremna an neihpui tih Sky Sports chuan a tarlang.

United hian Juventus hi inremna neihpui tawh mah se, Rabiot hi inremna an la neihpui lova, a agent leh a nu Veronique te indawrna an neihpui leh dawn a ni.

Kum 2019 khan French midfielder hian free transfer in Juventus hi a zawm a, Juventus-a hian tun season daih bak contract a nei tawh lova, inkhelhna a chang tam tawh lo bawk nen, Old Trafford-a inpu lut ngei tura ngaih a ni.

Kum 27 mi hi Paris Saint-Germain academy a zawm hmain Manchester City academy-ah a lo awm zuai tawh a, kum 2008 vela a hun hmanna Manchester-ah bawk a kir dawn niin a lang.

French midfielder Rabiot hian Italian club tan hian game 129 a khel tawh a, season hmasa khan Serie A-ah Juventus tan hian game 28 a khel a ni.

Copyright © inkhel.com 2024. All rights reserved.