Season 5 a cham hnuah Adrien Rabiot chuan Italian club Juventus a chhuahsan dawn ta.
Kum 29 contract hi June thla khan a tawp tawh a, Juventus-ah contract thar a ziak tawh dawn lo a ni.
"Adrien Rabiot chungah lawmthu ka sawi duh a, a kal zelna turah duhsakna ka hlan e," tiin Juventus football director Cristiano Giuntoli chuan a sawi.
Kum 2019 nipui lai khan Rabiot hian free transfer-in Juventus a zawm a, Italy-a a cham chhungin Serie A title, Copa Italia title pahnih leh Supercoppa Italiana pakhat a la.
Rabiot hi France player zinga Juventus tana game 200 khel tling 5-na a ni.
Euro khelh lai khan Rabiot chuan a hma hun tur chungchang a ngaihtuah tho thu leh, Euro khelh hmaa chinfel an tum thu te a sawi a nih kha.
Nikum nipui bazar inhawn lai khan Manchester United chuan lak tumin an dawr a, mahse personal terms-ah an inrem thei ta lo a ni.
Rabiot hian PSG atangin bul a tan a, France league-ah title vawi 5 a la a, French Cup vawi 4 lain, France National team tan game 48 a khel tawh bawk a ni.