Netherlands midfielder Xavi Simons chuan PSV Eindhoven atangin Paris St-Germain lam a pan leh dawn.

Simons-a lei let leh nan hian French champion chuan £5m buy-back clause an tinung a, kum 20 mi hian PSV pre-season training camp a chhuahsan tawh.

Season khelh zawh takah khan PSV tan game 49 a khel a, goal 19 khungin, assist 9 a nei. PSV chu Dutch Cup a hlawh chuahpui bawk.

Qatar World Cup-ah khan International football-ah bul a tan a, last 16-a United States an hneh khan a khel ve.

Simons hian 2010 leh 2019 inkar khan Barcelona academy-ah kum 9 chhung hun a hmang. PSG-ah 2021 khan professional career a zawh chho tan a, goal a khung hmain Ligue 1 game vawi 7 a khel hman.

PSG chuan tun nipui chhungin player 5 an la lut tawh a,  Lucas Hernandez chu Bayern Munich atanga la lutin, Marco Asensio chu Milan Skriniar atangin  free transfer-in an la lut bawk. Manuel Ugarte chu Sporting Lisbon atangin an la lut a, Real Mallorca atangin Lee Kang-in an la lut bawk.

Simos hi PSG chuan thlunbeh an duh a, season thara Paris club-a hmun a chang lo a nih chuan, loan-a an chhuahtir leh phawt a rinawm.