PSG-in follower an hloh hnem

05th June 2023, 07:06AM

Lionel Messi-a’n Paris Saint-Germain tana a game hnuhnung ber a khelh hnuah, French club hian Instagram-ah follower an hloh nasa hle a, he chanchin ziah lai hian follower maktaduai 1 dawn an hloh tawh.

PSG hian tun weekend khan tun season-a an game hnuhnung ber an khel a, Ligue 1 inkhelah Clermont Foot lo mikhualin, 3-2 in an tlawm.

PSG manager Christophe Galtier chuan an game hnuhnung ber an khelh hma hian Messi-a chhuah tur thu a sawi tawh a, an inkhelh zawhah PSG pawhin Messi a chhuah tur thu an puang zui ve nghal.

Clermont Foot laka an tlawm hnuah, PSG hian rei lo te chhungin follower nuai 8 vel an hloh nghal a, hei hi pung chho zelin, maktaduai 1 a pel thuai tura ngaih a ni.

Kum 2021 khan PSG hian Messi hi beiseina sang tak nen an lalut a, mahse a hun tawp lamah erawh Messi hi PSG supporter te lakah a tla na lova, season tawp lamah an ‘boo’ fo nghe nghe.

PSG hian kum 35 mi hi contract thar zawrh mah se, Messi hian a hnawl a, Messi hi a club hlui Barcelona chuan lakluh an tum hle a, Barcelona in an lalut thei ta lo a nih chuan Argentina captain hian Saudi Arabia emaw Major League Soccer lam emaw a pan a rinawm a ni.

Copyright © inkhel.com 2024. All rights reserved.