Manchester City chuan Premier league-in kum 2009/10 atanga 2017/18 chhunga financial rules bawhchiaa an puhna chu an chhang let.

City chu kum 2009/10 atanga kum 2017/18-ah an sum dinhmun mumal report duh loa puh an ni a, he'ng kumahte hian dan tam tak an bawhchhia nia ngaih an ni.

Kum 2009 atanga 2016 thlengin manager-te hlawh dik lo a record-ah puh niin, kum 2013/14 leh 2018/19-ah pawh financial fair play chungchangah rinhlelhna an lo nei tawh bawk. Tun thlengin mumal taka investigation kalpui hleih theih a ni lo.

Thutlukna tawp siam turin Premier League chuan independent commission kutah finfiahna an theh lut a ni.

Manchester City chuan an thuchhuahah Premier League-in an puhna chu mak an tih thu an sawi a, investigation neitute thawhpui tha duh loa an puhna pawh City chuan hnialin, an evidence neih chuan an thil tih dik loh engmah kawh a nei lo niin an sawi.

"Premier League dan bawhchhiaa min puhna hian Manchester City FC chu min thawng hle a, independent Commission lamin he buaina an thli thlai tha leh tur hi Club chu kan lawm. Hleih nei loin, evidence a zira dik taka thutlukna an siam ngei turin kan duh.

"He buaina hi a tawp hlen tawh kan beisei,"tiin Manchester City chuan an thuchhuahah an tarlang a ni.