Premier League-in Dybala a hîp

14th May 2022, 12:05PM

Paulo Dybala chuan England pana Premier League khelh a chak niin sawi a awm a, a agent Jorge Antun pawh club dawr turin London-ah a awm tawh.

Kum 28 mi hian tun season tawp thleng daih chiah Juventus-ah contract a nei tawh a Turin club hi a chhuahsan a rinawm ta hle.

Inter Milan pawhin Argentine forward hi an ngaihven ve reng a AS Roma pawh an bang bik lo.

Dybala hian English club zawm a duh ber niin Italian chanchinbu Calciomercato chuan an tarlang a, lakluh duh zingah hian Arsenal hming pawh a ri tel.

Spain aṭang pawhin sawmtu a nei niin thuthang a awm ve mek zel a, a thlawna lakluh theih tur anih avangin Europe-a club lian ho chuan an rim hut hutin a rinawm.

Dybala hian kum 2015 June thla khan Palermo chhuahsanin Juventus a zawm a nomawi vawi 12 a chawipui tawh a ni.

Copyright © inkhel.com 2022. All rights reserved.