Premier League club zingah player kum chawh ruala naupang ber atanga a upa ber kan sawi tawha, tunah chuan an san zawng (height) chawh ruala an san dan indawt kan tarlang leh dawn a ni.

Premier League club-te zingah, player-te san zawng chawh rualin Watford an sang bera, an average height hi ft 6’ 1inch a ni a, Huddersfield, Crystal Palace, Chelsea leh Manchester United-te chuan an dawt.

Premier League club player sang ber hi Southampton goalkeeper Fraser Forster niin ft 6’ 7inches niin, outfield player sang ber hi Southampton player bawk Jannik Vestergaard a ni a, ft 6’ 7inches tho niin, a centimetre-a tehin Vestergaard hi Forster aiin centimetre hnihin a hniam hret.

Champion lai Manchester City chu an average height a hniam ber a, an average height hi ft 5’ 11inches a ni.

Manchester United player Angel Gomes chu player tawi ber niin ft 5’ 3inches a ni a, Bournemouth player Ryan Fraser chuan a dawt.

Average height hi uluk taka, ‘fair’ taka centimetre hmanga lak a ni a, kan hriat thiam zawk nan ‘feet’ a dah a ni a, centimetre chuan  inang lo hret hret mahse, feet chuan a chiah chiaha dah a harsat avangin a inang pawh a tam a, mahse a bulah hian centimetre-a dah zel a ni e.

Premier League club player-te average height san dan indawt :

Watford – 6ft 1in (185.5 cm)

Huddersfield – 6ft 1in (184.7 cm)

Crystal Palace – 6ft (184.0 cm)

Chelsea – 6ft (183.6 cm)

Manchester United – 6ft (183.5 cm)

Wolves – 6ft (183.4 cm)

Arsenal – 6ft (183.3 cm)

Southampton – 6ft (182.9 cm)

Tottenham – 6ft (182.9 cm)

Newcastle - 6ft (182.9 cm)

Burnley – 6ft (182.7 cm)

West Ham – 6ft (182.7 cm)

Brighton – 6ft (182.6 cm)

Leicester City – 6ft (182.4 cm)

Fulham – 6ft (182. 1 cm)

Liverpool – 6ft (181.8 cm)

Cardiff City – 5ft 11in (181.7 cm)

Everton – 5ft 11in (181.5 cm)

Bournemouth – 5ft 11in (181.2 cm)

Manchester City – 5ft 11in (179.7 cm)