Poland national football team chuan, Portugal head coach hlui Fernando Santos chu an head coach thar atan an lalut a, kum 2026 FIFA World Cup zawh thleng daih contract an ziahpui.

Kum 68 mi Santos hian kum riat zet Portugal national team a enkawla, Portugal hi kum 2016 khan Euro-ah a champion puia, kum 2019 khan UEFA Nations League-ah a champion pui leh bawk.

Santos hian kum 2024 Euro zawh thleng Portugal enkawl tur hian contract nei mah se, nikum World Cup khan quarter final-ah Morocco hneh lovin an tla a, Portugal hian an ban zui ta a ni.

Portugal hian Qatar World Cup-a an tlak hnu khan, an head coach Czeslaw Michniewicz an ban ve bawka, Santos hi Michniewicz thlak turin an la a, Portugal hian Santos thlak tur hian Belgian head coach hlui Roberto Martinez an la ve thung.

Poland hi Santos-a'n national team a enkawl pathumna an ni a, Portuguese coach hian Portugal a enkawl hma hian kum li chhung Greece a lo enawl tawh bawka, hemi hma hian club hrang hrang a enkawl tawh thin bawk.

Santos hi Polish nilo Poland national team enkawl thei pathumna a ni a, a hmain Polish team hi Leo Beenhakker leh Portuguese coach dang Paulo Sousa te pawhin an lo enkawl tawh.

Tum anga thil a kal tluan chuan, Santos hian Poland hi major tournament pahnih a khelhpui thei dawna, nakkum Euro bakah, kum 2026 FIFA World Cup te niin, an qualify erawh a ngai dawn a ni.