Jose Mourinho chuan Turkish club Fenerbahce-ah kum 2 daih contract a nei mek a, he a contract zawh hunah hian Premier League lama kir leh a tum hle.

Ningani zan khan Europa League match-ah a club hlui Manchester United an hmachhawn a, 1-1 in an inhnehtawk. United tan Eriksen chuan minute 15-ah goal a khung a, he goal hi second half tirah En-Nesyri chuan Fenerbahce tan a rul.

Mourinho hi Chelsea manager vawi hnih a ni a, hetih chhung hian Premier League title 3 a la a, Manchester United leh Tottenham te a enkawl bawk.

Portuguese coach hian kum 2026 thleng Fenerbahce-ah contract la nei mah se, Istanbul-a an inkhelh zawhah Jose chu England lama hna chungchang zawh a ni a.

"A pawimawh hmasa ber chu, ka team ten UEFA competition an khel hi a ni. England lama team tha vak loin kum hnih emaw hnuah coach thar an mamawh a nih chuan, chu hna chu thawk turin ka inpeih reng a. Chutih laiin hemi chungchang erawh ka sawi zui thui lo ang.

United nen an inhmachhawn tum hian Jose hi French official Turpin chuan red card a hmuh. Osayi-Samuel chu penalty area-ah Manuel Ugarte chuan a titlu, penalty hlawhchhuak tur nia a inngaih laiin an hlawhchhuak lo. Heta a khawsa zia hi referee chuan lawm loin a hnawtchhuak ta a ni.

"Thu mak ka sawi nin theihloh tur min hrilh. Penalty box leh khelmual sira ka awm dan a hmu kawp tih a sawi mauh mai. A mit pakhatin khelmuala thil thleng a vil a, pakhatin bench-a kan awm dan leh ka chevel alo hmu reng. Hei vang hi alawm khawvela referee ṭha ber a nih," tiin Jose chuan referee chungchang a sawi nghe nghe.