July ni 26, 2019 (Zirtawpni) atanga khelh PUBG Mobile Club Open - Spring Split Global Finals 2019 chu Pathianni zan khan khelh zawh a ni a. Final-ah hian team 16 inlanin Round 16 khelh a ni a. Chinese team TOP Esport chu an champion ta a ni.
Estrel Congress Center, Berlin-a final hmuhnawm tak khelhah hian prize pool chu $400,000 USD a ni a, winners hian $1,80,000 USD an hum haw ta a ni. Top 3 te hi Chinese team vek an ni a, pahnihna chu X-Quest F niin $90,000 an dawng a, pathumna chu Elite Esports niin $45,000 an dawng bawk a ni.
Khawvel puma PUBG mobile gamer mi 35,000 chuang ten final luh hi a tum a, team tha 16 te chuan Berlin hi panin India atangin Team Soul te pawh an inlan a, Round 10-ah an chicken dinner ve hlauh a, a pumpuiah 12-na an ni. Pro gamer Mortal chuan fans ngah hle mahse a che ropui lo hle mai. Hetih lai hian an lo khelh thin dan nen tournament chu a lo inanglo hle tih a chiang, points hlawhchhuah tumin fimkhur thei ang berin team tinte an khel, an snake sup sup, a tum angin a khel hleithei ta lo ni berin a lang.
Round 12 a hmuhnawm fal, Erangel-ah khelh niin zone tawp lam Mylta-ah a kal. Mylta khuaah team ho zawng zawng an lut khawm, chutih laiin final zone erawh khaw sir phul tlangah a insawn ta daih si. Mylta khua an chhuahsan sung sung lai kha a hmuhnawm tak zet. Round 12-ah hian Japanese team ARG an chicken dinner a ni.
E-Sports event dangte leh mobile gaming chu khaikhin rual a ni lo. Chutih lai chuan beisei phak bak aia ropuiin Tencent Games, PUBG Corporation leh ESL ten PMCO hi an buatsaih a. Vivo chuan he tournament hi an sponsor a, a hmun hma leh LIVE telecast reng reng a dak zaih mai. RRQ Athena ami G9 chu pubg fan te favorite player a ni a, he event-ah hian pubg mobile gamer te tana thu lawmawm a awm nual.
Tencent Gaming representative Vincent Wang chuan MAJOR update a rawn puang a, PUBG Mobile tan Erangel v2, AMC's Walking Dead new feature, Africa Server leh PUBG Mobile Lite release hun te puan niin Tencent lamin server tam zawk dah belh tuma hma an lak mek thu sawi lan a ni bawk.