Villarreal winger Yeremy Pino chuan UK lam a pan mek a, Crystal Palace a zawm dawn. Kum 22 mi Spain international hi ningani hian Palace-ah medical a nei ang a, a man hi €25million (£21.5m) vel a ni dawn niin The Athletic chuan a tarlang.

Mimal thilah inremna an nei vek tawh a, Pino hian Palace-ah kum 5 chhung daih contract a ziak ang. Pino hian Villarreal-ah a football career zawng zawng a la hmang a, kum 2020 khan La Liga-ah inlan tanin, Spanish club tan hian vawi 150 a inlan tawh.

Season liamta khan La Liga game 25-ah Pino hi a inlan a, goal 4 khungin assist vawi 7 a nei. Villarreal chu league table-ah 7-na a nihpui.

Pino hi Spain tan vawi 15 a nilan ve tawh a, kum 2021 October thla khan a vawi khat nan ram tan inlanin, Spain tan hian goal 3 a khung ve tawh.

Palace hian midfield thawm that an tum hle a, Eberechi Eze chu Arsenal lamin £67.5million-in an lei sak a nih kha.

Marc Guehi pawhin Palace a chhuahsan dawn niin a lang mek a, Liverpool chuan England defender hi lei tumin hma an la ngar ngar a, ani hian Palace-a a contract kum tawpna a hmang mek.

South London club hi tun nipui bazarah an che na vak lo a, left-back Borna Sosa leh goalkeeper Walter Benitez te chiah an la lei a, loan-a an hawh Ben Chilweel chu Chelsea lamah a kir leh tawh a, Matt Turner pawh Forest lamah a kir leh tawh bawk a ni.