Ligue 1 champion Paris Saint-Germain defender Nuno Mendes chu zai a ngaih dawn avangin kuminah a inkhelh thei tawh dawn lo tih PSG chuan an puang.

PSG hian kum 21 mi hi thla 4 a chawlh a ngai dawn tih an puang a, July thla khan Mendes hi a inhliam a, hamstring injury niin, hemi hnu hian a la inkhel leh lo.

PSG hian Mendes hi tun kar Zirtawpni hian Finland-ah zai a ni dawn tih an tarlang a, Portuguese left-back hi a hma berah nakkum February thlaah bak a inkhelh theih a rinawm tawh rih lo a ni.

PSG hian Mendes hi kum 2021 khan Sporting Lisbon atangin loan in an lalut a, nikum khan euro maktaduai 38 sengin an lei nghet a, kum 4 daih contract ziahpuiin, season hmasa khan Mendes hi Ligue 1 Young Player of the Year atana thlan a ni.

Kumin nipui khan PSG hian Bayern Munich atangin French defender Lucas Hernandez an lalut a, tunah hian left-back a chhawr tur Hernandez chiah hi an nei rih a, an left-back dang Juan Bernat chu tun season chhung atan Benfica-ah loan in an chhuah.

Mendes bakah hian PSG player pawimawh Kylian Mbappe pawh a inhliam mek a, French forward hian a ngal rek tina in, ani erawh a hliam na lutuk lo thung a ni.