Kum li chhung an ram pawna inlan tawh lo North Korea chu an rawn che chhuak ve leh tawh dawn a, kumina neih tur Asian Games-ah North Korea hi football-ah an tel dawn.

Kum li vel liamta khan ramri an khar a, 2019 hnuahinternational football an la khel leh lova, kuminah erawh Asian Games-a inlan turin an football team ziahluh an ni tawh a, judo leh volleyball-ah te pawh an tel ang.

Hripui leng avang khan ramri an la khar reng a, tunah erawh an zalen tan niin a lang a, Asian Games hi tun thla ni 23 atangin China khawpui pakhat Hangzhou-ah an tan dawn a, Khuangchawi thla ni riat thleng a awh ang.

North Korea-in international football an khelh hnuhnun ber chu 2019 daih tawh kha a ni a, 2022 World Cup qualifying round-ah niin Lebanon nen an inhnehtawk. 2022 Beijing Olympics, 2022 Qatar World leh 2020 Tokyo Olympics-ah te an inlan lo vek a, Asian Games-a an tel dawn avang hian, 2024 Paris Olympics-ah an tel a rinawm a ni.