AC Milan leh Chelsea te chuan Christopher Nkunku chungchanga inremna tluantling an nei ta niin The Athletic chuan a tarlang.

AC Milan chuan €42million (£36.2m) an thehchhuak a, hei hi Chelsea chuan an lo pawm ta a, inremnaah hian sell-on clause a tel nghe nghe bawk. Mimal thilah chuan harsatna a awm lo a, Chelsea chuan Nkunku chu Italy lama thlawh an phalsak ta a ni.

Nkunku hian Chelsea tan competition hrang hrangah game 43 a khel tawh a, goal 14 a khung ve tawh bawk. Premier League-ah erawh vawi 9 chiah inkhelh bul a ṭan a, Club World Cup-ah erawh game 6 a khel ve a, goal 1 a khung ve a ni.

RB Leipzig tana a khelh laiin Nkunku a che ropui hle. German club tan game 172 aṭangin goal 70 a khung a, assist vawi 56 lai a nei bawk. 2022-23 season khan top scorer a ni a, DFB-Pokal pawh vawi 2 a chawi tawh bawk a ni.