Game streamer lar Tyler "Ninja" Blevins hi game ngaina lo tam tak pawhin an hre fur mai, gaming-ah na na na chuan hming a chher ve chiang a ni.

Twitch-a a stream lai mi nuai khat chuangin an en hem thin a nih kha, sum pawh a la lut hnem bawk. Twitch-a stream en hnem ber record te pawh a siam zak zak thin, chutih laiin number 1 a nih reng theih bik loh.

Vawiinah chuan mi singkhat atanga singkhat sangnga vel lekin a game stream an thlir ta. Fortnite stream thin Ninja chuan, "Chatuanin a chung ber a nih reng theih loh, live-stream ah ngat phei chuan mi thar duhawm tak tak an rawn chhuak reng.

"Miin min en hnem reng se tih hi ka chak ber erawh a ni tawh hran lo, viewers nuai chuang ka nei reng thei dawn lo tih hi ka chiang a, a chhan chu nupui ka nei a, chhungkua ka din tawh a, hun ka nei tawh lo a ni," tiin The Washington Post-in an kawmnaah a sawi.

Ninja hi a thiam ber erawh a ni lo chiang, FPS-ah phei chuan ani aia thiam sawi tur an tam. Chutih laiin entertainment nen a kalpui a, mite ngaihhlut a hlawh em em, entu a hip em em a, sum tam tak pawh a lak luh phah bawk a ni.