Golaghat, Assam-a North East All Assam Junior Tennis Championships-a neih turah Junior player JH Lalhruaizela, Ramhlun Tennis Club leh Robert Lalrinawma, Tennis Club Zotlang te chuan Mizoram ai an awh dawn.

He tournament hi January ni 8 atanga ni 12, 2018 chhunga neih tur a ni a, JH Lalhruaizela hi December thlaa Duliajan-a Junior championship neih zawh takah khan a che tha hle a, Under 14 top seed Aditya (Guwahati) kha quarter final-ah a vawthla nghe nghe. Semi final-ah a inhliam hlauh avangin a chak zo ta lo a ni.

Tun tumah hian beisei a sang hle a, manager B. Lalruattluanga, Tuivamit TC chuan hruaiin January ni 5 hian Aizawl an chhuahsan ang.