NBA Finals Game hmasa ber chu June ni 2, 2023 zing khan khelh a ni a, Denver Nuggets chuan 104-93 in Miami Heat an hneh nghal.

Nuggets-in bul an tan tha hle, 1st quarter-ah 29-20 in hma an hruai, 2nd quarter-ah phei chuan 30-22 in quarter an la a. Half time a nih chuan 59-42 in Nuggets an chungnung.

3rd quarter-ah pawh Nuggets an chungnung leh a, quarter hnuhnung berah Miami Heat an rawn tang hle, 30-20 in 4th quarter-ah chungnung mah se, 104-93 in Nuggets an chak ta a ni.

Miami Heat tan Jimmy Butler chuan point 13 a score hram, Bam Adebayo chuan point 26 a score kai a, Gabe Vincent leh Haywood Highsmith an che zia leh deuh mai chauh a ni.

Nuggets tan Nikola Jokic leh Jamal Murray te an che tha leh hle, Jokic chuan point 27 a score a, rebound vawi 10 lain assist vawi 14 a nei bawk. Final Game 1-ah triple double a nei nghal pang mai.

Jamal Murray chuan point 26 a score kai bawk a, Aaron Gordon chuan point 16 neiin, Michael Porter Jr. chuan point 14 a nei bawk.

Final Game 2 hi June ni 5 zing dar 5:30-ah khelh a ni leh dawn a ni.