June ni 5, 2023 zing khan NBA Finals Game 2 khelh a ni a, Miami Heat chuan 111-108 in hnehna an chang a, Series-ah team hnihte hi 1-1 in an inhnehtawk chiah e.

Game 2-ah hian team hnihte an inhnehtawk hle, Heat-in bul an tan tha zawk a, 2nd quarter-ah Nuggets an rawn che zia ve leh deuh. 3rd quarter-ah pawh Nuggets an che tha zawk a, hetih lai hian quarter tawp berah erawh Miami Heat an chungnung hle, 111-108 in inkhel a zo ta a ni.

Match hmunhnawm tak a ni, Nikola Jokic a khel tha leh hle, point 41 a score kai a, rebound vawi 11 a la bawk. Hetih lai hian a thian ten an pui tha tawk lo a, a khelhpui te zingah point 20 score kai an awm hlawm lo a ni.

Miami Heat an khel tha rual kher mai, Gabe Vincent chuan point 23 a thawk chhuak a, Jimmy Butler leh Ban Adebayo ten point 21 ve ve an thawkchhuak bawk.

Tun final hi chu a hmuhnawm chho zel dawn niin a lang, team hnihte hi an intum tawk chho viau dawn niin a lang tlat mai. game 7 thleng pawh kan hmuh mai a rinawm. Game 3 hi Ningani zing dar 6-ah khelh a ni leh dawn a ni.