National Muaythai-ah Mizoram chuan Gold 5 leh Bronze 1 an dawng

23rd June 2022, 01:06PM

Ni sarih awh National Muaythai Championship 2022 chu Dewas, Madhya Pradesh-ah June 22, 2022 Nilaini khan zawhfel a ni a, Mizoram chuan gold 5 leh bronze 1 dawngin a pumpuiah 10-na an ni.

National Muaythai Championship 2022-ah hian India ram state leh UT hrang hrang atangin players 600 chuang zet an tel a, gold 22, silver 14 leh bronze 7 latu Assam an chetha ber a, pahnihna Tamil Nadu chuan gold 16, silver 10 leh bronze 10 dawngin pathumna Chhattisgarh chuan gold 13, silver 24 leh bronze 18 an dawng ve bawk.

A pumpuiah Mizoram chu 10-na an ni a, tun tumah hian player 10 chiah kalin kum 2018 leh 22019-ahte Mizoram chu India-ah overall champion an lo ni tawh a ni.

Kumin National Muaythai Championship-ah hian Muaythai fight pangngai bakah Professional fight buatsaih tel a ni a, lam intihsiak (Wai Kru Competion) awm bawkin heng intihsiakna dangah hian Mizoram an tel ve lo.

Mizoram tana medal latute

1. RC Rohlupuia, Dinthar (-71kg Youth) GOLD

2. Eric Biakthianghlima, Thuampui (54kg Youth) GOLD

3. Vanlalmalsawmzuala, Ramhlun North (54kg Junior) GOLD

4. Lalngaihawma, Hunthar (-51kg Senior Elite) GOLD

5. T. C Lalrinawma, Thuampui (-54kg Senior Elite) GOLD

6. Paul HD Lalruatkima, Phuaibuang (-54kg Senior) Bronze

Coach Lalchhuanawma, Zemabawk kaihhruaina hnuaiah Mizoram team hian June 27, 2022-ah Aizawl an lo thlen theih beisei a ni a, National Championship-ah hian Mizo international R&J pahnih Liansangpuii Renthlei, Zemabawk North leh Lalhlimpuia, Zonuam (Mizoram Police ve ve) te chu Chief Jury niin competition an enkawl a ni.

Mizoram team kalna tur senso Chief Minister Pu Zoramthanga chuan a tumsak a, Freddy Enterprise, Chanmari-ten Team Track Suit chu tumsak bawkin an chungah Muaythai Association of Mizoram chuan lawmthu a sawi.


Inkhel Youtube News, Pic-ah hian click rawh le


Inkhel Youtube News, Pic-ah hian click rawh le

Copyright © inkhel.com 2022. All rights reserved.