UFC Middleweight champion Robert Whittaker chuan kumin chhungin a title humhim turin a in peih hman dawn loh thu a sawi.

Thla hmasa khan Whittaker leh Yoel Romero-te chu UFC 225-ah in hmachhawnin, Whittaker hi a chak. Chak mahse hliam a tuar nasa angreng a, a ban ruh a tliah bawk avangin Whittaker hi nakum lamah bak fight hmachhawn turin a inpeih hman dawn lo niin a lang.

Kelvin Gastelum chuan title fight beisei viau mahse nakum lam a nghah a ngaih hmel ta hle a, Whittaker chuan a la in peih loh thu sawiin,” Rehab process pawh ka la tan lova, ka dam deuh hun ka nghak a ni. Ka banah hian eng eng emaw an phum a, a hma berah nakum lam February thla bakah ka in peih theih ka ring lo.” a ti.

Kelvin Gastelum hian title fight hi a phu a, a fight hnuhnung pasarihah vawi ruk a chak a, inhliam na tak a tuar khat hle. Whittaker erawh hian a fight hnuhnung pahnihah Yoel Romero ve ve tumin round nga an in fight ve ve a, an inhnehtawk hle a, hliam an tuar nasa thin a, a taksa pawhin a tuar a ni.

Gastelum hian Whittaker-a chungchang sawiin , “Hetiang zat a in fight hnu hi chuan a hma ang a ni thei tawh lo maitheia, taksa in a tuar em em a, mahse a ban dinglam an zai zawhah eng nge a an dawn kan hria ang chu.” a ti.