UFC Vegas 33 chu naktuk zing hian Sony Liv Channel-ah zing dar 6:30 am atangin en theihin a awm leh dawn a, main event mawlh mai hi en loh phal chi a ni dawn lo. Middleweight fighter tawrawt tak pahnih Uriah Hall leh Sean Strickland an innuai dawn avangte pawh a ni mai thei.
Mixed Martial Arts fighter kan sawi apianga a nihna ang taka hmang chhuak thiam Uriah Hall kan hmu leh thei tur hi a vanneihthlak angreng. Tun dinhmunah a zawnin thir hung chhungah vawi li chak mekin a insual hnuhnung pahnihah champion hlui Chris Weidman leh Anderson Silva-te lakah hnehna a chang. Kum 2018 khan Paula Costa lakah tlawm mahse, tunhnaia a tumpuite a nghaisak dan en chuan champion a la ni lovang tih sawi theih a ni bik lo.
A hmaa ding tur erawh mihring tawrawt tak a ni thung, Octagon chhunga a inlan hma pawha MMA organisation King of the Cage Middleweight Champion hlui Sean Strickland a hmachhawn a ngai dawn. Kum 30 na hmang mek Strickland-a tan fiahna hautak paltlang a ngai dawn a, a tum tur hi amah aiin kum sarih meuhin upa mahse, tawnhriat ngah tawh anih avang erawhin fimkhur taka a khelh a pawimawh khawp ang.
Fighter pahnihte khelh tawh dan atangin inpawmchilh lemlo; kut leh ke thlawh chhuah a tam a rinawm hle. Boxing skills-ah kan teh dawn anih chuan Strickland a tha zawkin a ngaih theih ang a, hetih laiin kum lama upa zawk Uriah Hall a che rang hretin a rinawm. MMA analyst ngaihdan lakah Uriah Hall hian a kut leh ke hmanga round hmasa lama chiang taka a khawih fuh thei anih chuan knockout hmanga a chak theihna a sang niin an ngai. Hetih lai hian a career puma round li aia tam la khel lo Uriah Hall hian a career hmasa lamah a tumpuiten an nawr vak chuan a talbuai thin. Sean Strickland pawh a career-ah vawi khat chauh round nga a la khel nachungin MMA analyst lam chuan a rei hnua chan tha zawk turin an ring fur. Rinloh piah lama rang taka Uriah Hall-a ke lek chhuah erawh tui taka muthilh nghal theihna a ni thung.
Main Card
1. Middleweight bout:
Uriah Hall vs. Sean Strickland
2. Bantamweight bout:
Kyung Ho Kang vs. Rani Yahya
3. Women's Strawweight bout:
Cheyanne Buys vs. Gloria de Paula
4. Welterweight bout:
Jared Gooden vs. Niklas Stolze
5. Flyweight bout:
Zarrukh Adashev vs. Ryan Benoit
6. Welterweight bout:
Bryan Barberena vs. Jason Witt