Arsenal chuan a vawi thum nan Shaktar hnenah Mudryk lei an ngamna zat an hrilh leh. 

A hmasa berah €40m +add-ons-in an dawr, hei hi Shakhtar Donetsk chuan an lo hnar. An vawi hnih bid-naah Arsenal chuan €50m + add-ons an thehchhuak leh, hei pawh hi Shakhtar chuan an lo hnar leh.

Vawiin khan Arsenal chuan a vawi thum nan bid an thehlut leh nia report a ni a, €70m + add-ons vel nia sawi a ni. Hemi chungchang hi Shakhtar Donetsk chuan an ngaihtuah dawn.

Add-Ons ah hian €20m atanga €25m vel Shakhtar lamin an phut nia report a ni a, indawrna hmasa pahnihte tlawlh mah se club pahnih te chu kum 22 mi Mykhailo Petrovych Mudryk-a chungchangah an la indawr chhunzawm zel nia report a ni.

Arsenal hian hmatawng tih chak an tum hle, Gabriel Jesus a la rawn kir vat dawn loh avangin Arteta chuan Ukrainian winger hi lak a tum ruh hle, indawrna hmasa te hlawhchham mah se an la umzui chhunzawm zel a ni.

Mykhailo  Mudryk chuan Arsenal zawm a chak hle, Shakhtar training zawm leh tawh mah se inpu chhuak turin a inring reng nia report a ni a, club pahnihte player mana an inrem hunah rang taka thil buaipui tumin Arsenal an inbuatsaih mek a ni.