16th Mizoram State Muay Thai Championship 2019 chu July ni 4, Ningani khan Ramhlun Boxing Hall-ah fight tan a ni ta.

July ni 6, Inrinniah zawh fel a ni ang a, Mizoram Muaythai Championship-ah hian MAM chuan medal latu zawng zawng hnenah sponsors atangin incentive cash award a pe vek dawn a ni.

He championship-ah hian district hrang hrang - Aizawl, Lunglei, Champhai, Kolasib, Khawzawl leh Saitual atangin players 168 an tel.

Championship hawnna inkhawm hi vawiin chhun dar 12:00 khan neih a ni a, khual lian Pu V.Lalzawmliana, Vice President, MSSS chuan Muaythai game hi contact sports zingah pawh hmuhnawm ber zinga mi a ni a, kum 2024 ah chuan olympic ah a tel beisei a ni a ti a. Tun dinhmunah Mizoram Muaythai Association hi sports association zinga hmasawn ber pakhat leh record pawh nei tha berte zinga mi niin Olympic ah India team-a atam thei ang ber tel turin tun atanga inbuatsaih tan a ngai a ni tiin 16th Mizoram Muaythai Championship a hawng.

Muaythai Championship hawnna inkhawm hi K.Lalramchhana, Organising Chairman chuan a kaihruai a, president Brian Lalnunhlima'n thusawina hun hmang bawkin report petu H.Lalmuanpuia, Gen

Secy chuan Mizoram sawrkar hnuaia state level sports association zinga achievement record nei tha ber zinga mi kan ni a ti ve bawk.