Messi chuan Barcelona-a a khelhpui Neymar leh Suarez-te nen tha taka an khelh ho theih chhan chu an inkawmngeih vang a nih thu a sawi chhuak. Barcelona attacking trio hian tun season khelh mekah goal 93 zet an thun tawh a ni.
Messi nena khaikhin ni kumkhua tur C.Ronaldo chuan a a teammate te nen inkungkaihna tha tak neih a mamawh kher loh thu sawi mahse Messi erawh chuan a teammate-te a ngai pawimawh thiam hle. Nizan(1:15) Champions League khelh zawh taka Arsenal laka Messi goal hnuhnung zawk kan en let chuan MSN in man zia kan hmu thiam ngei ang.
Messi chuan a goal hnihna chungchang sawiin," Hun thawl tak nei chunga game rang tak khelh hi kan duhdan a ni a. Arsenal lakah khan kan ti hlawhtling thei hlauh a ni." tiin Arsenal laka a goal hnihna chungchang a sawi.
Messi hian sawi zawmin," An bula khelh hi a nuam em em a, khelmual pawn leh chhungah pawh nise kan in ngaina hlawm hle. Thian tha tak vek kan ni a, hetiang anga tha a kan khelh theih chhan lian tak a ni." tiin Neymar leh Suarez nen thian tha an nih thu a sawi.