Mizoram Super League (MSL) season 7 khelh mekah June ni 30, 2022 (Ningani) zan R Dengțhuama Indoor Stadium, Mualpuiah Mission Veng Hotshots chuan 86-72 in Chanmari Vikings an hneh.  July ni 1, 2022 (Zirtawpni) zan dar 8:30-ah Zarkawt BCA leh Tuikual South ten an league round hnuhnung ber an khel ang.

Mission Veng Hotshots hian an match ankhel zo tawh a, point 17 neiin table-ah hmahruaitu ni chungin league round an khel zo. Point 16 nei ve ve Zarkawt BCA leh Khatla TBL hian match khat ve ve khelh tur anla nei a, hnehna an chan ve ve chuan Mission Veng Hotshots hian table-ah pathumna an ni ang.

Chanmari Vikings hian khelh tawhah point 12 neiin pangana an ni mek a, khelh khat hmabak anla neihah hnehna chang mahse PLAY IIN khello thei dinhmunah an ding mek. Table-ah palina ni mek Tuikual South hian point 13 an nei mek a, match khat khelh hmabak anla neih ve bawk avangin Chanmari Vikings te hi an dinhmun a der thawng hle.

Inkhelh ṭan phat aṭangin Mission Veng Hotshots an dinhmun a ṭha nghal. Second quarter-ah 20-20 in an inhneh tawk tih loh ah chuan quarter tinah Mission Veng Hotshots an chungnung vek. Mission Veng Hotshots tan foreigner Joshua Aaron Keys (23pts-17rebounds) neiin double double a nei a, hnehna an channa kawngah Lalrozama (24pts) leh Eddie Zaithanmawia an thawhhlawk hle a, an chakna hnar an ni.

Chanmari Vikings tan mizo player Moses Lalmuanzova (35pts) leh foreigner Raymond Edward Miller Jr.(11pts) thawhhlawk hle mahse hnehna erawh an chanpui thei lo.

Total-Period 1 / Period 2 / Period 3 / Period 4

Mission Veng Hotshots: 86 - 23 - 20 - 23 - 20

Chanmari Vikings          :72 - 15 - 20 - 21 - 16