MSL 7: Champion lai Zarkawt BCA-in Mission Veng Hotshots an hneh

22nd June 2022, 10:06PM

Mizoram Super League (MSL) season 7 khelh mekah June ni 22, 2022 (Nilaini) tlai khan R Dengțhuama Indoor Stadium-ah champion lai Zarkawt BCA chuan 91-83 in Mission Veng Hotshots an hneh. Zarkawt BCA hian khelh ruk aṭangin point 11 an nei tawh a,table-ah hmahruaitu an ni mek a ni. Mission Veng Hotshots hian khelh ruk bawk khel tawhin point 9 an nei mek a, PLAY IN khel turin an dinhmun an sawh nghet ve mek bawk.

June ni 23, 2022 Nilaini tlai dar 5:00PM-ah Mission Veng Hotshot leh Khatla TBL an inkhel ang a, zan dar 8:00-ah Zarkawt BCA leh Chanmari Vikings te an inhmachhawn leh ang.

Inkhel ṭan a ni a, Mission Veng Hotshots te chuan bul ṭan ṭha zawkin hmahruaitu zawkah an ṭang nghal a, foreigner Josua Aaron Keyes (27point), Lalrozama (20point) leh Eddie Zaithanmawia (16point) te an thawhhlawk hle. Second quarter-ah pawh Mission Veng Hotshots te an thawh hona ṭha tak chu hmahruaitu zawk an nih theihna ala ni chhunzawm zel bawk. Second quarter tawp dawnah Mission Veng Hotshots ten turnover an neih zeuh zeuh chu tuarin Zarkawt BCA muthlu an harhchhuak.  Matthew Remtluanga Sailo (25point), foreigner Joseph Allen (21point), Zonunsanga (15point) leh Lalrina Renthlei (13point) te an che a hmuhnawm a, tawnhriat nei ṭha zawk an nihna langin chawlhlawk anih meuh chuan Zarkawt BCA chuan 46-42 a hmaanhruai ta a ni.

Third quarter ṭan a ni a, Zarkawt BCA thawh hona a ṭha tawh hle.  Hmahruaitu zawkah ṭang chhunzawmin Mission Veng Hotshots te chuan nawrlet viau mahse hnehna erawh an chang zo lo.  Quarter hnuhnung berah Mission Veng Hotshots ten an rawn umphak. Huntawp nan minute 2 ala awmin 83-83 a ni. Mission Veng Hotshots te che ṭha viau mahse hnehna chang turin Zarkawt BCA ten quarter 2-na leh quarter 3-na point an neih ṭhat zawk zar zo in hun atawp meuh chuan 91-83 in hnehna an chang ta a ni.

Total/ Period 1/ Period 2/ Period 3/ Period 4

MISSION VENG HOT SHOTS : 83 - 22 - 20 - 22 - 19

ZARKAWT BCA : 91 - 21 - 25 - 26 - 19

MISSION VENG HOT SHOTS

Josua Aaron Keyes - 27 pts - 15 rebounds - 2 blocks - 5 assists - 2 steals.

Lalrozama - 20 pts - 1 rebound - 5 assists - 2 steals.

Eddie Zaithanmawia - 16 pts - 9 rebounds - 1 block - 1 assist.

Zonunsanga - 8 pts - 1 rebound - 1 steal.

ZARKAWT BCA

Matthew Remtluanga Sailo - 25 pts - 2 rebounds - 1 block - 2 assists.

Joseph Allen - 21 pts - 12 rebounds - 2 blocks - 3 assists - 1 steal.

Zonunsanga - 15 pts - 8 rebounds - 5 assists - 3 steals.

Lalrina Renthlei - 13 pts - 7 rebounds - 5 assists - 2 steals.

Copyright © inkhel.com 2022. All rights reserved.