MPL 9: Semifinal Leg 1-ah Chawnpui FC in Chhinga Veng FC an hneh

23rd November 2022, 10:11PM

Zote Honda Mizoram Premier League (MPL) Season 9 Semifinal Leg 1 November ni 23, 2022 (Nilaini) zan RG Stadium, Mualpuiah Chawnpui FC chuan 2-0 in Chhinga Veng FC an hneh. Semifinal Leg 2 hi November ni 26, Inrinni zan dar 7:00-ah an khel leh ang a, Chhinga Veng FC hian final lut turin 3-0 a hnehna an chan a ngai tawh ang.

7:00AM Chhinga Veng 0-2 Chawnpui FC

(Laltlanzova 16', MC Malsawmzuala 57')

Mom: Laltlanzova, Chawnpui FC

 Team pahnih inkhel a hmunnawm a, goal hlauhawm hmuh tur tam lo mahse goal erawh vawihnih a lut thung. Goal lut te hi first half leh second half a lut an ni a, Chawnpui tan Laltlanzova leh MC Malsawmzuala chuan goal khat ve ve an khung.

Inkhel tan a ni a, team pahnih te innawr tawn zak mahse goal hlauhawm erawh annei thei lo ve ve thung. Minute 16-ah Chawnpuiin freekick an hlawh chhuak. Defender Rinchhana petin chu box a awm Tlanzova chuan goal-ah chan tirin an hmahruaina a khung.

Chawnpui an phur thar annawr zui nghal forward Samuela chuan Chhinga Veng keeper RS Lawmzuala chiah a hmachhawn hnuah a pet goal dawn nia alan laiin RS Lawmzuala chuana dan sak.

Chhinga Veng pawhin an siphurh sut ngei tumin nawr let bawk mahse forward Tluangtea leh Silvana chuan Chawnpui defender te an paltlang thei lo a, Chawnpui chuan 1-0 a hmahruaiin chawlhlawk an hmang zui ta a ni.

Second half tan a ni a, Chhinga Vengin hun tha nei nghalin box chhung chiah a tanga midfielder Johny-a shot tha zetr chu a goal dawn nia a lan laiin Chawnpui keeper Moses-a chuan a dan sak.

Chawnpuiin an hun tha neih an hmang tangkai zui leh ta. Ruatdika corner pet tha zet chu box a awm forward Mca chuan chiangzeta tauh lutin an goal hnihna a khung.

Chawnpuiin vawihnih goal thun belhna hun tha nei zui mahse Zozoa leh Lsa chuan an hun tha neih an hmang tangkai thei lo. Goal luh belh tawh lo in Chawnpui chuan 2-0 in hnehna an chang zuin ta a ni.

Copyright © inkhel.com 2022. All rights reserved.