Mizoram Premier League Season 7 atana lut tur zawnna chu December ni 14, Ningani khan khelh chhunzawm a ni a, Chawnpui FC chuan 1-0 a New Serchhip hnehin MPL 7 an khel dawn ta.

Chawnpui FC tan chakna goal khungtu hi Lalhmangaihtluanga a ni a, huntawp dawn hunpek belhah an chakna goal a thun.

Inkhel danga Zo United FC chuan 4-1 a IOC, Serchhip hneh ve bawkin playoff an khel ve bawk ang.

Zo United FC tan hian R. Lalthantluanga chuan goal hnih a khung a, Lalmalsawma, Ramdinmawia chuan goal khat ve ve an khung bawk. IOC, Serchhip tan Henry Lalhruaitluanga chuan goal khat a khung ve bawk

MPL qualifying round hi club pali New Serchhip, Zo United FC, Chawnpui FC leh IOC Serchhip-te'n an khel a, an inkhelh kual chhuah hnuah a sang er Chawnpui FC chuan point 7 neiin MPL 7 an khel dawn ta a ni.

Zo United FC hian point 5 neiin pahnihna an ni a, MPL6-a pasarihna Chanmari West FC nen Playoff an khel ang. Playoff hi vawi hnih inkhelh tur niin a chak zawkin MPL 7 an khel ang.

D ecember 13, Nilaini Rajiv Gandhi Stadium results:

10:00am - New Serchhip 0-1 Chawnpui FC

(Lalhmangaihtluanga 90+3)

12:00pm - Zo United 4-1 IOC, Serchhip

(Lalmalsawma 65', R. Lalthantluanga 73', 77', Ramdinmawia 75') (Henry Lalhruaitlua 38')

MPL Play-off Fixtures:

December 15, Zirtawpni AR Lammual fixtures:

1:30pm Chanmari West FC Vs Zo United FC

December 19, Thawhlehni RG Stadium fixtures:

1:30pm Zo United FC Vs Chanmari West FC