Mizoram Premier League Season 5 khel tur zawnna chu February 9, 2016 (Thawhlehni) khan AR Lammualah khelh zawh a ni. Champhai United FC leh Projet FC, Kolasib te inkhelah chak zawk awm lo mahse Ramhlun North FC chuan an khingpui Chhinga Veng FC hnehin MPL an khel dawn ta a ni.
Inkhel hmasa zawkah Champhai United FC leh Project FC inkhel chu 2-2 in an in hneh tawk a. Khelh tawhah Champhai United FC hian Ramhlun North FC leh Chhinga Veng FC an hneh loh avangin MPL inpet kai tur chuan kum khat an nghah leh a ngai dawn ta a ni. Project FC, Kolasib hian khelh tawhah 2-1 in chhinga Veng FC an hneh lo bawk a, Ramhlun North FC hi sikhat faiin hneh mahse vawiin inkhelah Chhinga Veng FC hian Ramhlun North FC an hneh loh a vangin MPL Playoff khel tur pawhin an tan beisei tur a awm ta lo a ni.
Inkhel vawihnihnaah Chhinga Veng FC chuan Ramhlun North FC chu an draw pawhin MPL khel mai tur an nih laiin, Ramhlun North FC chuan 3-2 hnehna an chang ta si a, MPL season 5 an khel dawn ta. Khelh tawhah Chhinga Veng FC hian Project FC, Kolasib leh Champhai United FC hnehin hmahruai mahse Ramhlun North FC an hneh loh avangin MPL playoff an khel dawn ta a ni.
MPL Playoff hi 1st & 2nd Leg a awm dawn a, February 12 & 15 ah AR Lammualah khelh a ni ang a, Lungmual FC leh Chhinga Veng FC ten an khel ang.
February 9, 2016 Thawhlehni Results :-
12:00 PM Champhai United FC 2-2 Project FC, Kolasib
(Melory Lalrinsanga OG 45+2', T Lalramsanga 73') (Melory Laldinsanga 22', Riky Zonunmawia 39')
02:00 PM Chhinga veng FC 2-3 Ramhlun North FC,
( Lalvensanga 9', 90+3') ( C Lalbiaksanga OG 27', Lalremruata 45+1', Vanrammawia Ngente 59')