Real Madrid forward Cristiano Ronaldo leh Moroccan professional kickboxer Badr Hari chanchin chuan tun thla tir khan khawvela deng chhuak a nih kha.
Ronaldo hian he kickboxer Hari hi Morocco-ah a tlawh ngun hle a, kar khat chhungin vawi 4 lai Morocco-ah a private Jet-in a thlawk lut thin tih report a awm. Mirror-in a tarlan dan chuan tun hnai khan Ronaldo chuan Morocco-a Party ropui throw nan £1m chuang sum a seng niin a tarlang.
Tun hnaiah Ronaldo chu Portuguese magazine cover-ah a lang a, hemi rual hian he a party throw chungchang hi a darh nghal bawk a. Nula chhelo tak takte chuan Portugal atangin Morocco-a resort pakhat awmna Agadir an pan khawm a. Hei hian Ronaldo leh Hari-te chungchang a rawn vawrh thar leh nghe nghe a ni.
French television pakhat chuan Ronaldo leh Hari te hi nghet takin an inkawm niin tun thla tir khan a tarlang a nih kha, Ronaldo hian Aston Villa midfielder hlui Hadji leh Moroccan kickboxer Hari-te a kawm thin nia sawi a ni a, mi tam tak chuan Ronaldo hi a lo Gay ru ve reng a ni mai angem ? Tiin ngaihdan an siam phah hial a ni.