La Liga champion nih tumin Barcelona leh Real Madrid na takin an inum chho zel a, Nilaini zan La Liga inkhel team pahnih hian hnehna an chang ve ve a ni. Barcelona-in an khelmualah tun season-a che thak Sevilla 3-0 in an sawp a, Lionel Messi chuan goal hnih khungin Luis Suarez chuan goal khat a khung ve bawk.
Barcelona 3-0 Sevilla
(Suarez 25' Messi 28' 33')
PLAYER RATINGS:
Barcelona: Ter Stegen 7, Roberto 7, Pique 7 (Lucas Digne 77'), Umtiti 7, Mascherano 87, Busquets 8, Rakitic 8, Iniesta 9, Neymar 8, Messi 9, Suarez 9 (Paco Alcácer 65')
Sevilla: Rico 6, Pareja 5, Mercado 5 (Pablo Sarabia 45'), Lenglet 5, Mariano 5, N'Zonzi 6, Iborra 6 (Stevan Jovetic 76'), Escudero 6, Vitolo 6, Correa 6, Nasri 6 (Matías Kranevitter 45')
Barca-in Sevilla lakah harsatna em em an tawk lo a, Luis Suarez chuan minute 25-naah Barca hmahruaina goal a khung a, tun season-a a league goal 24-na chiah a ni. Mual dinglam atangin Messi chuan box-ah ball a thawnlut a, Sevilla defender-te'n ball petchhuak an tumna lamah ball a kang a, Suarez chuan nalh zetin a back-volley goal a ni.
Minute 3 hnuah Suarez chuan Messi tan a siamsak ve thung a, Argentina catpain hian box chhung atangin a ke dinglam hmangin Barca goal hnihna a khung. Darkar chanve an khelh tlin hnu lawkah Messi-a'n a goal hnihna a khung chhunzawm a, Barca hian harsa lem lo takin hnehna an chang ta a ni. Messi hian hat-trick siam theihna hun tha nei mahse goal kham a pet per a, season kal mekah league goal 29 a khung tawh a, La Liga top-scorer a ni mek a ni.
Leganese 2-4 Real Madrid
(Gabriel 32' Luciano Neves 34') (James 15' Morata 18' 23' 48')
PLAYER RATINGS:
Leganes - Herrerin 7, Tito 6, Rico 5, Mantovani 5, Bustinza 6, Siovas 7, Timor 5, Perez 6, Szymanowski 6, Luciano 6, Gabriel 6. Subs - Machis 5, Bueno 5.
Real Madrid - Navas 5, Danilo 6, Nacho 4, Ramos 5, Marcelo 5, Casemiro 5, Kovacic 5, Lucas 5, James 6, Asensio 8, Morata 7. Subs - Isco 5, Mariano 5, Modric 6.
Leganese leh Real Madrid inkhelah hian La Liga hmahruaitu Real-in 4-2 in hnehna an chang a, Morato chuan hat-trick siamin James Rodeiguez chuan goal khat a khung ve bawk. Leganese goal hnih hi Gabriel leh Luciano Neves khung a ni thung. Real-in point hnihin hma an la hruai a, El Classico a pawimawh dawn hle.
Minute 30 hmain Real-in goal thum an khung hman a, James chuan minute 15-naah Ansensio thawhrah sengin Real hmahrauina goal a khung a. Minute thum hnuah Morata chuan Real goal hnihna a tauh lut veleh nghal bawk. Morata hian minute 28-naah Nacho hnen atanga a ball hmuh chu nalh zetin a goal hnihna ni turin a pet kual lut a, Real hi awlsam takin an chak mai dawn niin a lang hman a ni.
Darkar chanve an khel tling hnu minute 32-naah Gabriel chuan Leganes goal khatna a khung a, Real player-te inrin hman hmain minte 34-naah corner atangin Neves chuan Leganes goal hnihna a tauh lut veleh nghal bawk. Real player talbuai tak tak hmain first half a tawp a, second half tan hnu lawkah Morata chuan hat-trick a siamna goal a tuah lutin Leganes player-te an tho chhuak thei tawh lo.
Zinedine Zidane-a'n inriinia khel tur Madrid Derby urlawk ranin Karim Benzema, Cristiano Ronaldo leh Gareth Bale-te a chhawr lo a, Luka Modric pawh second half-ah tlan luhtir a nih chauh a ni. BBC tel loin Real-in goal 4 an khung thei a, Madrid Derby-ah inrintawkna an neih belh sawt a rinawm a ni.