Season hmasa tawpah khan Real Madrid-a Luka Modric contract chu a tawp tawh a, thla hmasa khan Los Blancos chuan Croatian midfielder hi kum khat dang atan contract an zawrh leh.

Kum 38 mi chuan contract thar a pawm a, July ni 17, 2024 (Nilaini) khan Luka Modric chuan Real Madrid-ah kum khat dang atan contract thar a ziak leh ta a ni.

Kum 2012 khan Modric hian Tottenham chhuahsanin Real Madrid a pan a, Los Blancos tan game 534 lai a khel a, goal 39 khungin, assist vawi 83 lai a nei.

Season liamta khan competition hrang hrangah Real Madrid tan game 46 a khel a, goal hnih khungin, assist vawi 6 a nei bawk.

Real Madrid midfielder zinga ropui ber pakhat hian club tan trophy 26 a chawi tawh a, heng zingah hian Champions League no mawi 6 leh La Liga title 4 a tel.

Modric-a kawppui thin Toni Kroos erawh Euro zawha chawlh a tum thu a puan angin, July thla khan football a chawlhsan thu a puang a, Spain an hneh loh tum kha Kroos-a tan a inkhelh hnuhnung ber a ni ta a ni.