Barca star leh Argentina captain ni bawk Lionel Messi chuan a kawppui Antonella Roccuzzo nena an fa pahnihna ni turin vawiin khan fapa thar duhawm tak a nei leh ta.
He nau thar hi Mateo tia koh a ni a, Barcelona ah a piang a ni.
Tukin khan kum 27 mi Messi hian a kawppui Roccuzzo-i'n fa a hrin dawn avang training zawm a thulh hial. 2008 atang tawh khan Messi leh Roccuzzo te hi an inkawpa, Messi hi kum nga mi lek a nih lai atang tawhin an inhre tawh thung.
November 2, 2012 khan fapa, Thiago, chu an lo nei tawha, Thiago a pian tum phei kha chuan Messi hian khawvela pa hlim ber ka ni ang, fapa ka nei ve ta, a thilpek avangin Pathian chungah ka lawm a ni a ti nghe nghe a nih kha.