A contract chungchanga sum an la bat sak €55million lai chu Paris Saint-Germain lamin pek an tum lo, hei vang hian Mbappe leh PSG te chu court-ah an inhmachhawn dawn niin The Athletic chuan a tarlang.

PSG hian Mbappe-a pawisa dawn tur €55million lai an la ba. Ligue de Football Professionel (LFP) chuan PSG hnenah hian player hlawh an bat sak hi pe turin a ti a, mahse PSG lamin LFP ngenna hi ningani khan an hnawl a ni.

Paris club chhuahsan hun June ni 30 hma ngeia pe tur an ni a, mahse PSG lam hian Mbappe pawisa an bat €55million (£46.4m; $60.6m) chu an pe duh ta tlat lo.

PSG lam chuan nikum khan sum chungchangah inremna an siam a, chumi avang chuan an sum bat hi an pe lo niin an insawi. Hetih lai hian Mbappe chuan LFP hnenah lehkha ziakin a thehlut a, a hlawh tang hi nawr chhuahsak turin a thlen a ni.

LFP lamin an ngenna PSG-in a hnawlsak takah chuan, Mbappe leh PSG te chu €55million (£46.4m; $60.6m) chungchangah hian court-ah an inhmachhawn dawn ta niin The Athletic chuan a tarlang a ni.