May thlaah Oliveira vs Gaethje

27th January 2022, 05:01PM

May thlaa neih tur UFC 274-ah title fight pahnih kan hmu dawn a, light heavyweight title fight leh lightweight title fight a ni dawn.

UFC 274-ah hian co-main event-ah UFC lightweight champion lai Charles Oliveira chuan a vawi hnih nan a title humhim a tum dawn a, a hmachhawn tur hi Justin Gaethje a ni.

He title fight hi UFC chuan official-in a la puang lova, UFC 274 neihna hmun tur hi a la chiang lo bawk a, mahse MMA website rintlak tak tak leh ESPN te chuan Oliveira hian Gaethje laka a title humhim a tum tur thu hi an tarlang tawh.

Brazilian fighter Oliveira hian MMA-ah 32-8 record a nei a, UFC-ah 20-8 record a nei. Oliveira hi a zawnin fight 10-ah hnehna a chang mek a, nikum May thla khan UFC 262-ah Michael Chandler hnehin UFC lightweight title hi a hlawhchhuak a, nikum December thla khan UFC 269-ah Dustin Poirier chu rear-naked choke hmanga hnehin a title a vawi khat nan a humhim.

Gaethje hian MMA-ah 23-3 record neiin, UFC-a a record hi 6-3 a ni a, a fight hnuhnung berah Michael Chandler chu UFC 268-ah unanimous decision-in a hneh a, Chandler a hneh hma hian title shot neiin, UFC 254-ah Khabib Nurmagomedov a hneh lo a ni.

UFC 274 main event-ah hian light heavyweight title fight a awm dawn a, champion lai Glover Teixeira chuan Jiri Prochazka lakah a vawi khat nan a light heavyweight title humhim a tum dawn a ni.

UFC 274 line-up hriat theih chin:

  • Glover Teixeira vs. Jiri Prochazka – for light heavyweight title

  • Charles Oliveira vs. Justin Gaethje – for lightweight title

  • Macy Chiasson vs. Norma Dumont

  • Ariane Carnelossi vs. Loopy Godinez
Copyright © inkhel.com 2022. All rights reserved.