Barcelona goalkeeper rinrawl Marc-Andre ter Stegen chu zai a hmachhawn maithei a, zai anih chuan a tlem berah thla hnih vel a chawl ang.

A hnungzang na avangin Stegen hi Barcelona game hnuhnung pathumah a inlan thei tawh lova, zai a nih chuan a hma berah pawh nakkum Ramtuk thla hma chu si ban a nghak thei tawh dawn lo.

Thla hmasaa ram leh ram inkhel awm lai khan Germany squad atangin a inhnukdawk a, Sahmulphah thla ni 12 hnuah a la inkhel leh lova, zai a ni ngei dawn em tih a la chiang thei lo.

A hnungzang na hi zai a dam mai thei a ni em tih a la chiang thei lova, hemi avang hian amah leh Barcelona te chuan zai tur nge, kawng dang dap an tum niin The Athletic chuan an tarlang.

Barcelona hian a hmunruakah Inaki Pena an hmang a, thlasik transfer hunah goalkeeper thar lakluh an tum lo. Champions League group match-a FC Porto an hmachhawn tum khan Pena hi a khel tha a, kartawp liamtaa Atletico Madrid an hneh tum pawh khan a che tha hle a ni.