World Cup a zova, Croatia player-te an ‘luck’ tan nghal hle mai. Mi tam zawk rinlohin World Cup final an thlenga, an player-te khel chhia an awmlo.

Manchester United-in Croatia winger Ante Rebic an beisei ve leh meka, Frankfurt winger manah hian pound maktaduai 44 lai an thehchhuak huam niin media-te chuan an sawi nasa hle.

Kum 24 mi chauh a la ni a, a chaka, tharum a ngaha Manchester United boss Jose Mourinho player duh chi tak niin a lang.

World Cup chhungin fouls a ngah bera, Argentina laka goal pawimawh tak a thun bawk. Croatia player pawimawh tak a ni a, an tumpuite tan a hnawk thin hle a, Premier League a khel chi tak a ni.

Fiorentina, RB Leipzig leh Verona-ahte pawh a lo khel tawh thin a, Croatia tan hian game 21 khel tawhin goal hnih a khung tawh a ni.

Manchester United hian nikum lama lak an lo tum tawh Croatian winger tho Ivan Perisic pawh an beisei nawn leh mek niin sawi a awm bawk.