Chelsea forward Noni Madueke chuan inkhelhna hmun a chan tam theih loh avangin West London club hi chhuahsan a duh niin TEAMtalk chuan a tarlang.

Kumin January thla khan thlasik bazar laiin Chelsea chuan Dutch club PSV Eindhoven atangin Madueke hi an lei a, a manah pound maktaduai 29 bawr vel sengin kum sarih leh a chanve daih contract an ziahpui.

Kum 21 mi hian tun season-ah Chelsea tan vawi khat chiah inkhel bul a la tan a, Premier League-ah vawi ruk bak la inlan lova, a inkhelh zat belhkhawm hi minute 120 chauh a ni a, goal khung a la nei lova, assist a la nei lo bawk.

Madueke hian inkhelh tam a duh avangin Stamford Bridge chhuahsan leh mai a duh tawh nia tarlan a ni a, Chelsea hian January thla-a thlasik bazar a inhawn hunah English winger hi loan-a an chhuah tir mai a rinawm chho viau a ni.

Thla leh maiah thlasik bazar a inhawng dawn a, Chelsea hian player an lei leh nual a rinawm a, player an lakluh chuan chhuak eng emaw zat an awm a ngai dawn a, Madueke hi chhuak tur zinga a tel pawh a rinawm hle a, a nghet pawhin a chhuak lovang tih a sawi theih loh a ni.