Tottenham playmaker James Maddison chu khup hliam avangin a chawl rei dawn a, 2025-26 season tawp lamah a rawn let leh thei maithei tih chauh a ni.

Pathianni liamtaa Newcastle United nen pre-season match-a an inhnehtawk khan Maddison hian a khup a tihliam a, a hliam hi ACL niin, report thenkhatin an tarlan dan chuan, thla 7 atanga thla 8 emaw thleng pawh a chawlh a ngai dawn a ni.

"James Maddison chu zai a ni dawn a, a khup dinglam hliam avangin zai a ni dawn.

"Kum 28 mi midfielder hi pre-season friendly match-a Newcastle United kan hmachhawn tum khan a inhliam.

"Ni hnih khat hnuah zai a ni dawn a, chumi hnuah kan damdawi lam thiam ten an enkawl chhunzawm dawn a ni.

"Tottenham chhungkua chuan James hi rang taka rawn dam leh vat turin duhsakna kan hlan a, kan support tlat a ni," tiin Tottenham chuan thuchhuah an sawi.

Maddison hian a khup dinglam bawk a tihliam leh a, a na hle tih a lang. Season liamta khan Spurs tan competition hrang hrangah game 45 a khel a, January leh February thla khan hliam a neih avangin a chawl.

Maddison hi Tottenham player pawimawh a ni a, hetia rei tak a inkhelh theih dawn loh chuan, Spurs hian an tuar hle dawn nia ngaih a ni a, a pawi hle dawn a ni.