MCA(Mizoram Chess Association) Senior Vice President Pu PC Lallianthanga chu AICF(All India Chess Federation) election-ah Vice President atan thlan a ni. Hetiang ni thei Mizo zinga an awm hi a chhuanawm takzet a ni.
Pu Lianthanga hi nitin eizawnna ah chuan Senior SP(Seperintendent of Police) Wireless lamah a ni a. Thiamna lamah chuan BE(Electronic Communication) a ni.
Pu Lianthanga hi MCA hruaitu ni ngar ngar thin a ni a. Class VIII a zir lai atanga Chess zir tan, Collage leh Inter Collage, Engineering Collage, leh MiZoramah te lo Champion tawh thin a ni a. Mizo lam aiawhih All India level Tournament lian ah pawh a khel tawh thin.
Russian Grand Master Sergy Lonov hnuaiah Coach nihna tha takin a zo tawh a. FI(FIDE Instructor) title a nei nghe nghe. FIDE hi World Chess federation a nia, Football lam a FIFA kan tih ang hi a ni awm e.
Mizotawngin Chess Zirna Lehkha bu engemaw zat a ziak tawh a. Player ten an chhawr tangkai hle. Tin, a ma hovin Chess Clock an siam chhuak tawh bawk.
Robula Chess Academy ah Principal a ni mek bawk a. Chess Promote nana a hnathawh hi tum khat a sawi sen pawh a ni awm love.
Mizo zinga Chess Title nei tawh hriat theih chin:
1. PC Lallianthanga FI,(Fide Instructor)
2. Lalthazama Saza(Master-a) NSA( National Senior Arbiter)
3. P.Lalchuanpuia DI(Development Instructor)
4. Lallianmanga NI(National Instructor)
5. Kawlthanzama DI(Development Instructor)
Lockdown chhung hian West Bengal, Nagaland leh Tripura State nen Online Team Chess Battle vawi engemaw zat neih a ni a. Chu bakah, MOCOC huaihawtin Mizo Online Chess Team Battle neih thin a ni bawk.
Online Chess Team Battle a Champion tawh te:-
1. Mizo Rising Star
2. Hinglingo Team
3. Mizo Gambit Killer
4. Mizo Chuailo Team
Online Team Battle neih a mimal che tha langsar zualte:
1. John Zonunthara Sailo
2. James Lalsangzuala
3. Robert Runremmawia
4. Vanrammawia ngente
MCA leh District Chess Association in Online Chess Tournament a huaihawt a Ist Prize la tawh te:
1. Robert Runremmawia
2. Hrangdailova Hauhulh
3. Vanrammawia Ngente te an ni.
Mizo ten Chess ah hma kan sawn theih nan a tha leh zung seng tu te hming kan sawi seng lo.
Hripui leng(Covid-19) a ziawm chho anga, Online lo deuh pawhin Chess Tournament a khelh chhoh theih tan dawn hnaih hmel e. Kan hruaitu fel tak tak ten ruahmanna an siam chho mek e.