Liverpool manager Jurgen Klopp chuan tun nipuia Paris Saint Germain forward Kylian Mabappe nena sawi zawm an nihna chu a nuih liampui.

Mbappe hian PSG-ah contract a pawtsei duh lo a, season khat daih bak contract a neih tawh chuan loh avangin Ligue 1 winner chuan tun nipuia suma chantir an tum. Liverpool hi Mbappe heltute zinga chhiar tel an ni bawk.

Mbappe leh Liverpool sawi zawm an nihna hi a rei tawh a, Klopp chuan thuthang vel hi a tak tak nise mak ti ber tur a nih thu a sawi.

"Kan nuih liampui mai mai, player tha tak chu a ni chiang a, mahse kan sum dinhmun nen a inmil ve lo a ni. Thawnthu kal vel tih chingpen chu ka duh lo viau na a, mahse ka hriat chinah eng thil mah a awm lo. 

"A nih loh vek pawhin midangin a rukin thil an kalpui ang a, min thawn thut an tum a ni mahna. Mahse kum 8 ka cham chhungin chutiang thil chu a la thleng maih lo. A thleng a nih chuan a vawikhatna tur a ni ang,"tiin Klopp chuan a sawi.

Kylian leh club hran hran chuan sawi zawm an hlawh mek a, chu'ng ho zingah chuan Chelsea pawh an tel ve. Chelsea hian an awt hle nia report a ni bawk.

Mbappe hmahun tur hi hriat chian theih a la ni lo a, eng thutlukna pawh siam se PSG chuan an la pawm reng thu defender Milan Skriniar chuan a lo sawi tawh.