Nice striker thar Mario Balotelli chuan Liverpool zawm tura thuthlukna a siam kha a nuna thuthlukna a siam sual lian ber a nih thu a sawi. He thu hi Nice in 3-2 a Marseille an hneh hmain a sawi a, a club thar tan hian goal hnih a khung nghal a ni. Balotelli hian 2014 khan AC Milan atangin £16m in Liverpool a zawm a, Liverpool tan hian beisei a phak lo hle a, game 28 a inlan atangin goal 4 a khung a ni.
2015 August thla khan loan in AC Milan-ah let lehin, beisei a phak lo chhunzawm zel a Serie A game 20 a khelhah goal khat a khung a ni. Milan hian a nghet a laklet an duh loh avangin Liverpool-ah hian a let leh a, Liverpool hian hralhna tur an hmuh loh avangin a thlawnin Balotelli hian French League 1 club Nice a zawm ta a ni.
Balotelli hian Liverpool a zawm hnu hian manager pahnih a nei hman a, Brendan Rodgers, amah la luttu leh Brendan Rodgers thlaktu Jurgen Klopp-te a hrawn hman a ni. Balotelli chuan, "coach pahnih ka nei hman a, rei vak lo Rodgers leh Klopp ka hrawn hman ve ve a, mahse, an pahnih duh dan leh awmdan hrim hrim khan phurna min pe lo a. Liverpool kha nuam ka ti ngai lo hrim hrim a ni" tiin a sawi.
Ballon d'Or dawn a tum chungchang a zawhna chu Balotelli chuan heti hian a chhang a, "Tehreng mai. A la tlai chhe hleinem. Ka ngaihdan chuan training-naah tha takin ka ti anga tun atanga kum hnih emaw kum thum hnuah emaw chuan ka la dawng thei lutuk, tunah pawh hian ka dawng thei tawh reng a ni"
Balotelli hian a club thar Nice tana a game hmasa berah hian goal hnih a khung a, Nice hian Marseille hi 3-2 in an hneh a ni.
French League 1 results:
9 Sept. 2016
PSG 1-1 Saint-Etienne
10 Sept. 2016
Lorient 0-2 Nancy
Lille 1-4 Monaco
Guingamp 1-1 Montpellier
Bastia 2-1 Toulouse
Angers 3-1 Dijon
Lyon 1-3 Bordeaux
11 Sept. 2016
Nice 3-2 Marseille
Rennes 2-0 Caen
Nantes 0-3 Metz
(adsbygoogle = window.adsbygoogle || []).push({});