Premier League Champions Liverpool chuan Florian Wirtz lak tumin hma an la tak tak a, Bayer Leverkusen an dawr tan ta niin The Athletic chuan a tarlang.

Florian Wirtz-a man hi €130million (£109m) vel nia report a ni a, Liverpool chuan dawrna hmasa ber an thehlut a, vawi khata an hlawhtlin nghal an inrin loh avangin a vawi hnihna tur pawh an inring sa nia report a ni.

Mimal thilah chuan Liverpool leh Wirtz te hi harsatna a awm dawn lo nia tarlan a ni a, Bayern Munich lam pawhin ngaihven mah se, Wirtz hian Liverpool-ah in lei tur a zawng niin The Athletic chuan a tarlang bawk.

Germany international hian kum 2027 thleng Leverkusen-ah contract a la nei a, kum 2022 khan contract thar a ziak a ni.

2023-24 season-a Bundesliga title an lak khan Wirtz hian tha a thawh hlawk hle. Goal 18 khungin, assist vawi 20 a nei a, Bundesliga player of the season atan thlan a ni.