Brighton & Hove Albion midfielder Alexis Mac Allister-a cousin chuan Allister-a'n Liverpool lam a pan hnai niin a sawi.

The Reds chuan tun nipuiah an midfield thawmthat an duh a, Jude Bellingham chu hel ren rawn mah se April thla khan an beidawng tawh. Bellingham an hawisan hnuah player thar dang pathum lak luh an tum ta zawk. 

Liverpool chuan Mac Allister an ngaihven hle niin thuchhuah thenkhat chuan an tarlang a, tun kar lo awm turah hian thuchiang a awm thuai beisei a ni. 

Indawrna hi  a ruk taka kalpui a ni a, mahse an chhungkaw member pakhat atangin Liverpool fan-te tana thu lawmawm a sawi chhuah zauh mai.

Mac Allister-a cousin Luciano Guaycochea chuan inremna a awm hnai niin Astro Arena-a interview a neihah a sawi lang zeuh.

"A khelhna tur chu ka sawi lawk thei lo. Mahse mi zanwg zawngin Liverpool a hnaih zia an hre vek. Team lian tak an ni a, khawi hmun pawh pan se tha taka a khelh zel ka ring tlat a ni," tiin Mac Allister-a chungchang  a  sawi.