Liverpool chuan transfer window khar a nih hma ngeiin Federico Chiesa lak luh an tum.

Kar tir thawhtanni khan Juventus forward kum 26 mi Chiesa chu Liverpool-in an ngaihven tih thawm a rawn ri tan a, indawrna an kalpui chho nghal char char a, hma pawh an sawn hle niin The Athletic chuan a tarlang.

Italy international man hi €15million emaw vel a ni dawn nia report a ni a, Juventus-ah tun season bak contract a nei tawh lo a ni.

Liverpool hian an la lut thei a nih chuan, kum 4 chhung atan contract ziahpui an tum niin The Athletic chuan a tarlang.

Kum 2020 khan Chiesa hian Fiorentina atangin loan-in Juventus a zawm a, a hnuah €50m (now £42.3m; $55.8m)-in an inlei chhunzawm.

Massimiliano Allegri-a hnuaiah khan Chiesa hian inkhelhna hmun a chang hnem a, season liamta khan game 37 atangin goal 10 a khung a, assist vawi 3 a nei bawk.

Kum 2022 January thla khan hliam na tak a tuar a, thla 9 emaw vel a chawl a nih kha.

2021 Euro-a Italy an champion tum khan player pawimawh tak a ni a, Juventus tan game 131 atangin goal 32 a khung tawh a, Fiorentina tan khan game 154 atangin goal 34 a khung hman bawk.